Ad

header ads

ବ୍ୟଥା - ସନ୍ଧ୍ୟାରାଣୀ ଦାଶ

ପ୍ରାଣ ପ୍ରିୟ ମୋର ଯା ଅ ନାହିଁ ଦୂର
ତୁମ ବିନା ମୁଁ ଅଧୁରା,
ତୁମର ମୋହର ନିବିଡ଼ ବନ୍ଧନ
ସଂସାର ଜାଣିଛି ପରା ।

ପରୀ ସାଜିଥିଲି ତୁମ ପାଇଁ ସିନା
ଏ ରୂପରେ କି ଯେ ଲାଭ,
ଦୂରେ ଚାଲିଗଲେ ନିନ୍ଦା ମୁଁ ପାଇବି
ଲାଗିବିନି କେଉଁ ଶୁଭେ ।

ଫେରିଆସ ମୋର ଆହେ ପ୍ରାଣନାଥ
ସଂସାର ଗଢ଼ିବା ମିଶି,
ଏକାଠି ରହିଲେ ଜୀବନ କାଟିବା
ମନରେ ଆସିବ ଖୁସି ।

ଏ କେଉଁ ରୂପରେ ଯାଉଛ କୁଆଡେ
ସାଥେ ମୋତେ ନେଇ ଯା ଅ,
ସଙ୍ଗରେ ଚାଲିବି ସାଥିରେ ରହିବି
ଯଦି ମୋତେ ଭଲ ପାଅ ।

ସାତ ଜନମର ସାଥି ହେବା ପାଇଁ
ଦେଇଥିଲ ମୋତେ କଥା,
ଆଜି କାହିଁ ପାଇଁ ଏତେ ଦୂରେ ଗଲ
ହୃଦୟେ ଭରି ଲ ବ୍ୟଥା ।

ସନ୍ଧ୍ୟାରାଣୀ ଦାଶ, ସହକାରୀ ଶିକ୍ଷୟିତ୍ରୀ
ଜଗତସିଂହପୁର

Post a Comment

0 Comments