Ad

header ads

କବିତା - ମସିହା - କୁମୁଦିନୀ ବେହେରା

ବଡ ଦିନ ବୋଲି ଚାରୋଟି ଅକ୍ଷର
    ଶବଦ ତାତ୍ପର୍ଯ୍ୟ ପୂର୍ଣ୍ଣ
 ଯୀଶୁଖ୍ରୀଷ୍ଟଙ୍କର ଜନ୍ମ ଦିନ ସେତ 
     ସଂସାରେ ଗୁରୁତ୍ୱପୂର୍ଣ୍ଣ l୧l

ପରମେଶ୍ୱର ସେ ବ୍ୟାପକ ବିସ୍ତୃତ
     ନାହିଁ ତାଙ୍କ ଆଦିଅନ୍ତ
ସଂସାରେ ସେ ସର୍ବମୟ ସୃଷ୍ଟି କର୍ତ୍ତା
    କେ ଦେବ ଜନ୍ମ ବୃତ୍ତlନ୍ତ ? I୨l

ଜନ୍ମକୁ ତାଙ୍କର ତାରିଖ ଭିତରେ
      ସୀମିତ ରଖିବ କିଏ
ତ୍ରାଣକର୍ତ୍ତା ରୂପେ ଆସି ଏ ଜଗତେ 
     ମସିହ ମାନ୍ୟତା ଯିଏ l୩l

ସୃଷ୍ଟିକୁ ଆସି ସେ ଇତିହାସଟିକୁ
     ଦେଲେ ଦୁଇ ଭାଗ କରି
ପଛରେ ରହିଲା ଖ୍ରୀଷ୍ଟ ପୂର୍ବ ତାଙ୍କ
    ସମ୍ମୁଖେ ଖ୍ରୀଷ୍ଟାବ୍ଦ ଗିରି l୪l

ଚରଣରେ ତାଙ୍କ ସମର୍ପିତ ହେଲା
      ସୃଷ୍ଟି ଶ୍ରେଷ୍ଠ ଇତିହାସ
ସମୟର ରେଖା କରି ପ୍ରଣିପାତ
      ଗଢିଲା ନବ ବିଶ୍ଵାସ l୫l

ଜଗତ ବିଶ୍ବାସ କଲେ ସେ ଈଶ୍ୱର
      ନ' କଲେ ମଧ୍ୟ ଈଶ୍ୱର
ପ୍ରତିପାଦିତ ସେ କରନ୍ତିନି କେବେ
      ନିଜକୁ ସିଦ୍ଧ ଭାସ୍ଵର l୬l

ମସିହ ସଂଜ୍ଞାରେ ପ୍ରଜ୍ଞାପିତ ହୋଇ
     ଆସିଲେ ବିନାଶି ଉଷା 
ପୂର୍ଣ୍ଣାଙ୍ଗ, ଶାଶ୍ୱତ ସ୍ଵର୍ଗୀୟ ସମ୍ଭୁତ
     ପ୍ରଜ୍ଞାରେ ପ୍ରଥିତଯଶl l୭l

ଖ୍ରୀଷ୍ଟ ଆଗମନେ ଶୀତଳ ଲହରୀ
        ଚହଟଇ ଚତୁର୍ଦ୍ଦିଗେ
ମୃଦୁ ମୁହୂର୍ତ୍ତରେ ତାରା ଫୁଲ ଆସି 
      ଅମରତ୍ୱ ଭିକ୍ଷା ମାଗେ l୮l

 ଈଶ୍ୱରଙ୍କୁ ଖୋଜେ ଆଜିର ସାମାଜ 
      ନାନାଦି ବସ୍ତୁ ଭିତରେ
ପରାଗ ରେଣୁର ଅନ୍ଧ ଆଢୁଆଳେ
     ନୈରାଶ୍ୟ ଶବ୍ଦ ମlଳlରେ l୯l

ଅଛନ୍ତି ସେ ତୁମ ହୃଦ ସ୍ପନ୍ଦନରେ
       ଭାବର ବର୍ଣ୍ଣମାଳାରେ 
ସେତ ସ୍ବଂୟ ସ୍ରଷ୍ଟା ରହିଛନ୍ତି ହୃଦେ
       ସତ୍ୟ ଜୀବନ୍ତ ଭାବରେ l୧୦l

କୁମୁଦିନୀ ବେହେରା, ଶିକ୍ଷୟିତ୍ରୀ
ଅନୁଗୋଳ, ମୋ-୮୯୧୭୩୪୩୬୬୮

Post a Comment

0 Comments