Ad

header ads

କବିତା - ଏ କି ଭଲ ବିଚାର - ବି. ନିରୁପମା



ଏ କି ଭଲ ବିଚାର
                ବି. ନିରୁପମା

ମଥାରୁ କଳସୀ ଗଡ଼ିଯିବ କାହ୍ନା
ଅଞ୍ଚଳକୁ ମୋର ଛାଡ଼ ,
ଜାଣିଶୁଣି ଆଉ ଜଞ୍ଜାଳ କରନା
ଅଭାବ ହେଲାଣି ମାଡ଼ !!
ଟିକେ ଭାଇଠୁ ଶିଖ ....
ବଡ଼-ଭଦ୍ର ସେ କହନ୍ତି ଲୋକ ।
ଟିକେ ଭାଇଠୁ ଶିଖ ।

କେଡ଼େ ଶାନ୍ତଶିଷ୍ଟ ଗୁଣବାନ ସିଏ
ନାହିଁ ଜମା ଟିକେ ଖୁଣ ,
ବାଟରେ ଘାଟରେ ହଇରାଣ କରି
ଦେଖାନ୍ତିନି ମୁହଁ ଟାଣ ।
ସେ ତ ଗୁଣ ସାଗର ....
ତୁମେ ଅଟ ନାଟୁଆ ନାଗର ।
ସେ ତ ଗୁଣ ସାଗର ।

ତୁମ ପ୍ରତି ଟିକେ ଶରଧା କଲାରୁ
ଦେଖାଉଛ ଏତେ ଛଇ ,
ଜାଣି ଜାଣି ନିଜ ମହତ ସାରୁଛ
ରାଜାଘର ପୁଅ ହୋଇ ।
ଏ କି ଭଲ ବିଚାର ....
ଥରେ ବିବେକକୁ ତ ପଚାର ।
ଏ କି ଭଲ ବିଚାର ।

ମାମୁରିଆ, ଛେଣ୍ଡିପଦା,ଅନୁଗୋଳ ।

Post a Comment

0 Comments