Ad

header ads

ବ୍ୟଙ୍ଗ କବିତା - ଅଲାଜୁକ ନଟିଆ - ଆଶ୍ରିତ୍ ମହାପାତ୍ର

ନଟିଆ ଆମର କଲେଜ ଯାଉଛି
ଦଶମ କିଲାସ ଡେଇଁ ।
ଚୁଟି କଟାଠାରୁ ଫେସନରେ ତାର
କୌଣସି ଅଭାବ ନାହିଁ ॥

ବାପା ଧରିଛନ୍ତି ଚିପା ମୋବାଇଲି
ପୁଅ ଧରିଅଛି ଛୁଆଁ ।
ପକେଟେ ପୁଡ଼ିଆ, ଓଠେ ସିଗାରେଟ
ଚିପିକି କାଢୁଛି ଧୂଆଁ ॥

ଜିନିସି ପିଆଣ୍ଟ ପିନ୍ଧିଛି ଯେ ଟୋକା
ଚିରା ଫଟାଫଟା ଦିଶୁଛି ।
ମୁହେଁ ବୋଳି ସିଏ, ସ୍ନୋ ପାଉଡର
ଦରପଣ ଆଗେ ମାଖୁଛି ॥

ଟିକିଟକ କରି ସେଲଫି ଉଠାଇ
ହଜାରେ ମେସେଜ ଛାଡୁଛି ।
ବାଟେ ଘାଟେ ଝିଅ ନଜରେ ଆଇଲେ
ହୁଇସିଲି ଗୀତ ମାରୁଛି ॥

କଲେଜ ଛୁଇଁଲା ନଲେଜ ଉଇଁଲା
ପାଠପଢ଼ା ମନ ଛାଡି ।
ଅଲାଜୁକ ଏହି ନଟିଆ ଆମରି
ବୁଲେଟେ ଆସୁଛି ମାଡ଼ି ॥


ରଚନା : ଆଶ୍ରିତ୍ ମହାପାତ୍ର

ଠିକଣା : ଟାଙ୍ଗି, ଖୋର୍ଦ୍ଧା ଦୂରଭାଷ :

Post a Comment

0 Comments