Ad

header ads

କବିତା - ନମୋ ନମଃ ଗିରିଜା ନନ୍ଦନ - ଭଜରାମ ସେଠୀ

ନମୋ ନମଃ ମୂଷିକ ବାହାନ
*************************************

ଗଉରୀ ନନ୍ଦନ ବିଘ୍ନ ବିନାଶନ
ମୂଷିକ ବାହାନ ପ୍ରଭୁ,
ଏକ ଦନ୍ତଧାରୀ ବିଦ୍ଯା ରତ୍ନପୁରି
ଜ୍ଞାନ'ର ଭଣ୍ଡାର ବିଭୂ ।

ବାଳକ କାଳରେ ମାତୃ ଦ୍ବାରପାଳ
ମାଆ ତପସ୍ୟା ସାଧନେ ,
ମାଆ ଆଦେଶ'ର ପାଳନ କରତା
ପରିଚୟ ଶ୍ରେଷ୍ଠ ପଣେ ।

ପିତୃ ପୁତ୍ରେ ଯୁଦ୍ଧ ଅଜଣା ଜ୍ଞାନରେ
ରଚିଥିଲ ଯୁଦ୍ଧ ଗୁଣେ,
ଶିର ଛେଦି ତବ ମାତୃଭକ୍ତି କେତେ
ଶ୍ରେଷ୍ଠ ତୁମେ ପ୍ରାଣ ଦାନେ ।

ମହାନ ଜ୍ଞାନୀ ହେ ଜ୍ଞାନ ପରିଚୟ
ମାତୃ ପିତୃ ପରିକ୍ରମା,
ଅଗ୍ରେ ପୂଜା ଧାରୀ ଲଡୁହସ୍ତେ ଧରି
ବିଦ୍ଯା ଗୁଣେ ନାହିଁ ସୀମା ।

ରିଦ୍ଧି ସିଦ୍ଧି ଯା'ର ଦୁଇ ପତ୍ନୀ ହାର
ପାଦ ମଞ୍ଚାଳନ୍ତି ବସି,
ବ୍ରହ୍ମାଣ୍ଡ ଜ୍ଞାନୀ ହେ ତିନି ପୁରେ ଶିକ୍ଷା
ପାଆନ୍ତି ବିଦ୍ବାନ ଋଷି ।

କାର୍ତ୍ତିକେୟ ନାମେ ଭ୍ରାତା ଯା'ର ଧାମେ
ଧନ୍ଯ ତୁମେ ଗଜାନନ,
ବିଘ୍ନ ବିନାୟକ ଗଣଧି ପତି ହେ
ବିଦ୍ଯାଦାତା ଗଜକର୍ଣ୍ଣ ।

ନମୋ ନମୋ ନମଃ ଗିରିଜାନନ୍ଦନ
ଗଉରୀ ପ୍ରାଣ ସ୍ପନ୍ଦନ,
ନମୋ ନମୋ ନମଃ ପାର୍ବତୀନନ୍ଦନ
ଶିବାନୀ କୋଳ ମଣ୍ଡନ ।

ନମୋ ନମୋ ନମଃ ରିଦ୍ଧି ସିଦ୍ଧି କାନ୍ତ
ଋଷି ଦେବତା ଚିନ୍ତନ,
ନମୋ ନମୋ ନମଃ ଜ୍ଞାନ'ର ସାଗର
ନମଃ ମୂଷିକ ବାହାନ ।
*******************************
ଭଜରାମ ସେଠୀ, ନିରାଳ, ଆସିକା, ଗଂଜାମ
୯୫୬୬୮୭୬୫୦୪


ରଚନା : ଭଜରାମ ସେଠୀ

ଠିକଣା : ନିରାଳ ଗଂଜାମ ଦୂରଭାଷ : 9566876504


Post a Comment

0 Comments