ସତେ ଦୁନିଆଁ ଭୁଲାଇ ଦେଲ - ପ୍ରଫୁଲ୍ଲ ଚନ୍ଦ୍ର ମିଶ୍ର

• ପ୍ରଣୟ ଛନ୍ଦରେ ବାନ୍ଧି ଦେଲ ବନ୍ଧୁ ଫୁଟାଇ ପ୍ରୀତି ର ଫୁଲ

• ନିଥର ମରୁରେ ପ୍ରେମ ମନ୍ଦାକିନୀ  ହୋଇ ସହୀ ଜଡିଗଲ

• ବହଳ ଅନ୍ଧାର ଗହଳ ରାତିରେ ପ୍ରେମ ଦୀପ ଜାଳି ଦେଲ 

• ସହୀ ଏମିତି କେମିତି କଲ 

• ପତ୍ରଝଡା ବୃକ୍ଷ ଡାଳେ  ଫୁଲ ହୋଇ ହସି ହସି ଝରିଗଲ   ।।

•

• ନିଦାଘେ ବନାନୀ ଜ୍ଵଳନ ସମାନ ଜଳୁଥିବା ବେଳେ, ଜଳ

• ସିଞ୍ଚନ କରିଲ, ସ୍ନେହ ବାରିଧାରା ପ୍ରୀତିରେ ଭିଜାଇ ଦେଲ

• ମୋ ମନ ମନ୍ଦିରେ ପୁଜିରିଣୀ ସାଜି ସଜାଇଲ ପ୍ରୀତି ଫୁଲ

• ସହୀ ଏମିତି କେମିତି କଲ

• ବାଟ ଓଗାଳିଲ ଅଜଣା ଆଦରେ ପ୍ରୀତି ହାଟେ ନେଇଗଲ  ।।

•

• ଅନ୍ଧାର ଆକାଶେ ତାରା ଫୁଲ ବୁଣେ ଜହ୍ନ ର ରୂପା ଚାଦର

• ସରାଗେ ସୁହାଗେ ସୁହାସିନ ବାଳା କେତେ ରଙ୍ଗେ କରୁ କୋଳ

• ଏ ମନ ମୟୂର ଚନ୍ଦ୍ରିକା ତୋଳି ନାଚେ ପ୍ରେମେ ହୋଇ ଭୋଳ

• ସହୀ ଏମିତି କେମିତି କଲ

• ସତେକି କିମିଆଁ ମୋହନୀ ଲଗାଇ ଦୁନିଆଁ ଭୁଲେଇ ଦେଲ  ।।

•

• ମନ ଆକାଶରେ ସାତରଙ୍ଗ ବୁଣି ମୋତେ ତ ରଙ୍ଗାଇ ଦେଲ

• ପ୍ରେମ ସୁଧା ସର ସରଜି ତା କୂଳ ତଟେ ନେଇ ବସାଇଲ

• ଆନନ୍ଦେ,ଉଲ୍ଲାସେ,ତୋ ପ୍ରେମରେ ସଖୀ ହୋଇଗଲି ମୁଁ ବିହ୍ଵଳ

• ସହୀ ଏମିତି କେମିତି କଲ

• ଅଧାବାଟେ ମୋତେ ଏକା ଛାଡ଼ି ଦେଇ କେମିତି ବା ଭୁଲିଗଲ  ।।

•

• ଏତେ ଯେ କପଟ ସେ ମିଛ ପ୍ରେମରେ କିପାଇଁ ହଟ ରଚିଲ

• କୁହୁକିନୀ ମାୟା କାମନା ଜ୍ଵାଳାର ପ୍ରଦାହେ ଆହୁତି ଦେଲ

• ନାରୀ ମାୟା ନାରାୟଣେ ଅଗୋଚର ଛାର ମୁଁ ମାତର ନର 

• ସହୀ ଏମିତି କେମିତି କଲ

• ମୋ ସାରା ଦୁନିଆଁ ଭୁଲାଇ ଶେଷରେ କୁହ କିଆଁ ଭୁଲିଗଲ  ।।