ଜୀବନ ନାଟକ - ପ୍ରଫୁଲ୍ଲ ଚନ୍ଦ୍ର ମିଶ୍ର

• ମୃତ୍ୟୁ ଡାକଇ ଯମ ଦୁଆରରୁ

•                 ହସଇ ଶ୍ମଶାନେ ଜୁଇ

• ଜନ୍ମ ମରଣ ସତ୍ୟ, ନିଧାନ

•          ନିହିତ କରିଛି ବିହି ।।

•

• କହିହୁଏ ନାହିଁ ମରଣ କି ଜନ୍ମ

•         କାହାର କିପରି ହେବ

• ଅସମୟେ ଦୀପ ଲିଭିଯିବ ଘନ

•            ଅନ୍ଧକାର ଘୋଟିଯିବ ।।

•

• ଯମ, କାଳ ନାମେ ଦାରୁଣ ଆଘାତ

•          ଦିଏ ସହେ ତାହା ନର

• କପାଳେ ବିଧାତା ଲିହି ଅଛିଯାହା

•          ଘଟେ ତାହା ନିରନ୍ତର ।।

•

• ସେଫାଳୀ ଫୁଲର ଆୟୁ,ଫୁଟେ ରାତି

•              ସକାଳକୁ ଝରିଯାଏ

• ପଦ୍ମପତ୍ରେ ଜଳ ସମାନ ତରଳ

•             ଢଳ ଢଳ ହେଉଥାଏ ।।

•

• ଅନିତ୍ୟ ଜୀବନ ଅନିତ୍ୟ ସଂସାର

          ରଙ୍ଗମଞ୍ଚେ ଅଭିନୟ

• ଶେଷେ ପ୍ରାଣପକ୍ଷୀ ଉଡିଯିବ ମାୟା

•          ସଂସାର ର ଏହି ନ୍ୟାୟ ।।

•

• କିଆଁ ଏତେ ଆଣ୍ଟ କେତେଦିନ ନାଟ

•           ପଡି ମିଛ ମାୟା ଜାଲେ

• ଅନ୍ୟାୟ ଅନୀତି ଦୁର୍ନୀତି ସଂପତ୍ତି

•          ସାହା ନୋହିବେରେ ତିଳେ ।।

•

• ବେଳ ଥାଉ ଥାଉ ସାବଧାନ ହୁଅ

•           ଲଭିବୁ ବୈକୁଣ୍ଠେ ସ୍ଥାନ

• ନହେଲେ ରୈ।ରବ ନର୍କ ଯନ୍ତ୍ରଣା   

•             ନିରର୍ଥକ ନର ଜନ୍ମ ।।

ପ୍ରଫୁଲ୍ଲ ଚନ୍ଦ୍ର ମିଶ୍ର, ମଙ୍ଗଳାଯୋଡି, ଖୋର୍ଦ୍ଧା