ଶହୀଦ୍ ସଲାମ - ପ୍ରଫୁଲ୍ଲ ଚନ୍ଦ୍ର ମିଶ୍ର

• ଏଇତ ଆମର ଭାରତ ବର୍ଷ  ନିତି ସୈନିକ ମରେ
• ଗାଁ ରେ ସହରେ ସୀମାନ୍ତେ ଜୀବନ ଅଦିନେ ଅବେଳେ ଝଡେ  ।।
• ଶୀତ କାକରରେ ରୈ।ଦ୍ର ତାପରେ ପାହାଡ଼େ ଜଙ୍ଗଲେ ,ଭୁଲି
• ଘରଦ୍ଵାର, ଛାଡି ସ୍ଵଜନ ସୋଦର ପ୍ରହରା ଦିଅଇ ବୁଲି  ।।

• ଜଗି ରହିଥାଏ ଅରାତି କବଳୁ ,ଦେଶର ସୁରକ୍ଷା ତାର
• ହାତେ ସଂପି ଦେଇ ନିଘୋଡ଼ ନିଦରେ ଶୋଇଯାଏ ଦରବାର  ।।
• ଅନେକ ସୁରକ୍ଷା ବଳୟ ଭିତରେ ପ୍ରହରା ରତ ପ୍ରହରୀ
• ପ୍ରହରା ଦିଅଇ ତଥାପି ଅକାଳେ ଜୀବନ ଦିଅଇ ବଳି  ।।

• କୁଟଚକ୍ରେ ହୀନ ଚକ୍ରାନ୍ତ ରଚଇ ପଶୁ ସମ ସଇତାନ
• ଆତ୍ମଘାତୀ ଅସ୍ତ୍ର ବିନାଶେ ଅକାଳେ ସହିଦ୍ ହୁଏ ଯବାନ  ।।
• ସହି ସହି ସେନା ହେଲାଣି ଅସହ୍ୟ ଜନତା ବି ହୁଏ କାବା
• ଏକି ରାଜନୀତି ବସି ବସି କ'ଣ ଦେଖୁଛ ହେ ରାଜନେତା  ।।

• କି ଦେଖୁଛ ଆଉ ଜନ ଦରବାର ତୁମ ପୁଅ ନାତି ଆଜି
• ଅରାତି ହାତରେ ଚିର ନିଦ୍ରାରେ କେମିତି ଶୋଇ ଯାଇଛି  ।।
• ସହିଦ୍ ଘରଣୀ ଆଖି ସୁଖୁନାହିଁ ବୁକୁଫଟା କୋହ ନିଆଁ
• କୁନା,କୁନୀ ଥୋଡଥରା ଲୁହ ଆହା କି ବିକଳେ ଝରେ ଚାହାଁ  ।।

• କୋଣେ ଅନୁକୋଣେ ରାଇଜଟା ସାରା ସ୍ତବ୍ଧ ହୋଇଯାଇଅଛି
• ଚୁପ୍ ଚାପ୍ କିଆଁ ,ଦେଖ ରେ ଜନତା ହେଇ ସହିଦ୍ ଶବ ଆସୁଛି  ।।
• ଶପଥ ନିଅରେ ଭାରତମାତା ର ବୀର ଅମୃତ ସନ୍ତାନ
• ଏକଯୁଟ ହୁଅ ଅରାତି ବିରୁଦ୍ଧେ ରଖ ଜାତୀୟ ସମ୍ମାନ 
• ସହିଦ୍ ସଲାମ  ।।

ପ୍ରଫୁଲ୍ଲ ଚନ୍ଦ୍ର ମିଶ୍ର, ମଙ୍ଗଳାଯୋଡି, ଖୋର୍ଦ୍ଧା