Ad

header ads

ସଫଳତା ମିଳେ ଉଦ୍ୟମ କଲେ - ବି. ନିରୁପମା


ଗଜପରେ ଛନ୍ତି ଶ୍ରୀ ଗଜାନନ,
ଆଜି ତାଙ୍କ ଭାରି ହରଷ ମନ ।

ମାତାଙ୍କ ପାଖରୁ ସମ୍ମତି ନେଇ ,
ବାହାରି ଅଛନ୍ତି ଭ୍ରମଣ ପାଇଁ ।

ମୂଷିକ ବିଚରା ପାରିନି ଚଢ଼ି ,
ହାତୀ ଲାଞ୍ଜଟାକୁ ଧରିଛି ଭିଡି ।

ଆଶ୍ୱାସନା ତାକୁ ଦିଅନ୍ତି ପ୍ରଭୁ ,
"ଡରି ଯାଆନା ତୁ ସଫଳ ହେବୁ ।

ଆଗରୁ ଏ କଥା ନାହୁଁକି ଶୁଣି ,
କଷ୍ଟ କଲେ କୃଷ୍ଣ ମିଳନ୍ତି ପୁଣି ।

ଯେତେ ବଡ଼ ପଛେ ସମସ୍ୟା ଥିଲେ,
ସଫଳତା ମିଳେ ଉଦ୍ୟମ କଲେ ।

ଦୁହେଁ ଆସିଛନ୍ତି ମରତ ବୁଲି ,
ଲଡ଼ୁ ଖାଉ ଖାଉ ରହିଲୁ ଭୁଲି ।

ମୋ ସାଥିରେ ଯେବେ ଯିବାକୁ ମନ,
ଆଜିଠାରୁ ରଖ ସମୟ ଧ୍ୟାନ ।

ଯେତେବେଳେ ଯେଉଁ କାମଟି ତୋର,
ସାରିଦେଲେ ହେବୁ ସାଥୀ ମୋହର ।"

ବି. ନିରୁପମା
ମାମୁରିଆ, ଛେଣ୍ଡିପଦା, ଅନୁଗୋଳ

Post a Comment

0 Comments